Një 39-vjeçar i identifikuar si Glodian Dervishi është arrestuar nga policia e Tiranës pasi kryente vjedhje në banesa në zona të ndryshme të Tiranës.
Sipas njoftimit, Dervishi vidhte flori dhe ora dhe më pas i shiste te zona e “Dollarit” në Tiranë dhe në një argjendari në Kamëz. Mësohet se janë sekuestruar 11 ora dhe bizhuteri të tjera floriri që dyshohen se janë vjedhur nga ky person.
Gjithashtu, u procedua penalisht pronarja e argjendarisë, N. Z., 58 vjeçe, banuese në Kamzë, për veprën penale “Përvetësimi i parave ose mallrave që rrjedhin nga vepra penale ose veprimtaria kriminale”. Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.
Discussion about this post