Ditën e sotme në Cetinje do të mbahet seanca e Kuvendit të Malit të Zi, në të cilën pritet që të zgjidhet qeveria e re, e propozuar nga mandatari për kryeministër, Dritan Abazoviç.
Qeveria e re e Malit të Zi, siç është propozuar, pritet të ketë 18 dikastere, katër nënkryetarë dhe dy ministra pa portofol.
Thuhet se deputetët e Frontit Demokratik nuk do të marrin pjesë në seancën e sotme, sepse e konsiderojnë qeverinë e propozuar jolegjitime, është shprehur deputeti i kësaj aleance, Sllaven Radunoviç.
Nga ana tjetër, sipas tij deputetët e FD-së nuk do të marrin pjesë në seancën e sotme për shkak të goditjes së fundit me gurë të autobusit në të cilin ndodheshin fëmijët nga Nikshiqi, vetëm pse kënduan dhe luajtën një xhiro para Manastirit të Cetinjes.
Parlamenti malazez po zgjedh një qeveri të re tre muaj pas një votimi mosbesimi ndaj kryeministrit në largim Zdravko Krivokapiç në fillim të shkurtit.
Discussion about this post