Deputetja e Partisë Demokratike, Albana Vokshi, ka dalë në një konferencë për mediat. Vokshi në fjalën e saj ka mohuar të ketë dijeni për incidentet në Bulqizë, ndërsa në Tiranë ka pasur figura të njohura që kanë votuar.
“Përmendët degën nr.7 që unë e njoh shumë mirë, të gjithë kanë mbushur formularë dhe i kanë dorëzuar, kanë hyrë në garë më pas. Të gjithë i njoh, janë personalitete, jo çdokush njeh çdokënd në degë, por aty ka pasur një rezultat të ngushtë. Kjo do të thotë që të gjithë kandidatët kanë pasur shumë vota. Në tiranë për 9 vota është ndarë rezultati, jashtë Tirane për 14 vota”, shprehet Vokshi.
Pyetja: Ka të bëjë me procesin që ju thoni që do të bëjë bashkimin e PD-së, kush janë ata që janë futur në garë, mbështetës të Bashës?
“Nuk kemi pse t’i ndajmë të Bashës apo Berishës, janë futur në garë ata që kanë dashur të futen, kanë plotësuar formularin dhe janë futur. Janë pranuar me rregullore, komisioni ynë ka miratuar një rregullore, ku përcaktohej qartë që të gjithë anëtarët në lista, që paraqisnin një mjet identifikimi, por edhe ata që nuk e kishin emri, por ksihin kartë anëtarësie janë lejuar të votojnë. Nuk i është mohuar asnjë demokrati vota. Rastin e Bulqizës nuk di ta them, duhet të shohim materialet zgjedhore dhe informacionin përkatës”, shprehet Vokshi.
Discussion about this post