Edhe pse është kritikuar si projekt, ku Kosova e kundërshton, kryeministri Edi Rama nuk ka ndërmend të heq dorë nga “Ballkani i Hapur”. Ai madje ka marrë përsipër që të negociojë me Kryeministrin e Malit të Zi, Dritan Abazoviç, për të afruar edhe këtë vend në këtë nismë. Në konferencën me Oliver Varhelyi, Rama njoftoi se Samiti i radhës i Ballkanit të Hapur do të mbahet në Ohër në datat 9-10 qershor.
“Jemi shumë të interesuar që edhe të tjerë të përfshihen se Ballkani i Hapur është krijuar për të qenë gjithëpërfshirës, dhe duke folur me kryeministrin e ri të Malit të Zi, imagjinoni sikur dikush t’ju thoshte 5 vjet më parë që Ballkani Perëndimor me 6 vende, do kishte 3 kryeministra shqiptar, sot është realitet, mund të jetë gjë e mirë ose e keqe, por nuk është pak, është shumë, sikundër është e qartë që shqiptarët në këtë kohë që kanë rilidhur urat me Evropën ecin përpara nëse dinë të sillen si njerëz të paqes, kjo është pak, por e sigurt dhe ne do e riftojmë Malin e Zi, i takon kryeministrit të Maqedonisë së Veriut ta bëj ftesën, se samiti i ardhshëm do të jetë në Ohër, dhe unë nga ana ime do bëj inkurajimin tim për Dritanin që të jetë në tryezë, ka qenë optimist ndaj kësaj nisme, por vjen Mal i Zi, Kosova, apo Bosnja, Ballkani i Hapur do të vijojë, të gjithë do vijnë një ditë, kush do vijë më vonë do ketë humbur më shumë” – tha Rama.
Discussion about this post