Dhënia e Butrintit një kompanie të huaj për menaxhim ka sjellë mjaft debate në politikë dhe jo vetëm.
Ekspert dhe historianë nuk e mbështesin këtë projekt. Një prej tyre, Neritan Ceka ka folur për këtë çështje sot gjatë një interviste televizive.
Ai tha se, qeveria kërkon ta mbush me lokale dhe hotele vetëm për interesa fitimprurëse, por do të shkatërrojë atë si vend kulturor. Gjithashtu gjatë bisedës në studio, ai tha se për këtë çështje duhet të pyeten dhe të lejohet të flasin ekspertët, ndërsa shtoi se Parku i Butrintit sot arrin të nxjerrë 1 mln euro në vit.
“E keqja qëndron se duan të ndërtojnë hotel, një qendër biznesi. Materiali duket se është i përkthyer. Parku i Butrinti sot nxjerr 1 mln euro në vit dhe këto pjesa më e madhe shkojnë në arkën e shtetit dhe pjesa tjetër në arkën e Butrintit. Sot në arkën e Butrintit ka më shumë se 1 mln euro. Shpikin gjëra që e diskretitojnë këtë formë. Menaxhimi do të bëhet nga njerëz që nuk janë arkeologë, nuk ka njerëz që u dhimbset Butrinti”, u shpreh ai.
Sipas historianit, Butrinti kështu si është nxjerr mjaft të ardhura nëse menaxhohet si duhet. Prandaj, i kërkon qeverisë që të marrë ekspertë dhe të mos abuzojë, ndryshe do të largojë turistët.
Discussion about this post