Pas takimit me kryeministrin Edi Rama, ndihmës Sekretarja për Byronë e Çështjeve Evropiane dhe Euroaziatike Dr. Karen Donfried ka takuar në Kryesinë e Kuvendit Kreun e Grupit Parlamentar të Partisë Demokratike, Enkelejd Alibeajn. Në takim me zyrtaren e lartë të DASH, janë edhe Gazmend Bardhi dhe Jorida Tabaku.
Ky takim vjen 24 orë para Kuvendit që ka thirrur Komisioni i Rithemelimit për zgjedhjen e kupolës së re drejtuese të PD, deri në momentin e zgjedhje së kryetarit, që sipas Berishës do zgjidhet para datës 22 maj.
Ashtu sikurse Gabriel Escobar bëri në dhjetor, para mbledhjes së Kuvendit të stadiumit edhe shefja e tij, Karen Donfried pritet të bëjë të qartë qëndrimin e amerikaneve nëse drejtimin e partisë me te madhe të opozitës e merr Sali Berisha.
Më herët, përfaqësues të SHBA përfshirë këtu edhe ambasadoren amerikane Yuri Kim, janë treguar të qartë se nëse Berisha merr drejtimin e partisë, SHBA do të ndërpresë marrëdhëniet me PD, por kjo nuk e ka penguar Berishën të shpallë kandidaturën për kryetar partie.
Discussion about this post