Këshilli i Lartë Gjyqësor, ka vendosur në krye të gjykatës së Elbasanit, gjyqtaren Matilda Fetau. Fetau është komanduar në krye të Gjykatës së Elbasanit pas shkarkimit të Enkeleda Kapedanit, pas videove skandaloze që iu publikuan në aplikacionin “Tik Tok”.
Kohë më parë, Fetau ishte në garë për kyetare të kësaj Gjykate, pas dorëheqjes së gjyqtarit Zihni Shahu.
Pajtime Fetahu, Matilda Fetau dhe Enkeleda Kapedani ishin në garë për postin. Enkeleda Kapedani mori 4 vota, gjithshtu Matilda Fetau moti 4 vota, por u zgjodh fituese Kapedani për shkak të vjetërsisë së punës me dy vite më tepër.
Kapedani u shkarkua nga detyra pak ditë më parë, pas videove që i dolën në media, ku shfaqej duke bërë sfilandë në zyrat e gjykatës dhe duke dëgjuar muzikë “gangsta”. Gjyqtarja është justifikuar për sfilatat e saj në rrjetet sociale, duke thënë se videot dhe foto ia ka bërë vetes për të hequr stresin dhe lodhjen që kishte nga puna.
