Ish-deputeti, Gent Strazimiri, ka folur në një prononcim për mediat rreth Kuvendit që u zhvillua sot. Ai u shpreh se, ky Kuvend tregoi se shqiptarët kanë një pikë ku mblidhen dhe bashkohen në emër të opozitarizmit dhe patriotizmit. Sakaq, ai pranoi se PD-në e presin shumë sfida përpara, por tha se pas çdo pengese kjo parti do të dalë më e fortë. Strazimiri nuk la pa komentuar edhe mungesën në sallën e Pallatit të Kongreseve të 30 deputetëve. Ai tha se ata deputetë kanë mbyllur karrierën politike dhe tani iu mbetet të bëjnë sehir.
“Nuk mendoj se është refuzim i bashkimit. Gjithsesi cilido që ka marrë përsipër të përfaqësojë PD, që ka marrë përsipër të përfaqësojë demokratët nuk mund të mungojë aty ku demokratët mblidhen në mënyrë legjitime, aty ku demokratët vendosin, aty ku demokratët i kanë ftuar. Cilido që merr një vendim të tillë mendoj se ka mbyllur karrierën politike me demokratët. Ai që refuzon ti përfaqësojë demokratët ai nuk ka të ardhme në PD. Nëse dikush prej tyre ka marrë këtë vendim personal kam përshtypjen se e ka mbyllur dhe karrierën e tij politike në PD me demokratët”, tha ai .
Një nga vendimet e rëndësishme të Kuvendit ishte dhe shkarkimi i Enkelejd Alibeaj si kryetar grupi. Sipas Strazimirit, Alibeaj tradhtoi demokratët që i besuan përfaqësimin.
Discussion about this post