Në një prononcim për mediat, Sali Berisha ka folur mbi procesin e votimit për Këshillin Kombëtar të PD. Berisha deklaroi se ky proces është krejtësisht transparent dhe se ky Kuvend përcakton përfundimin e kryetarokracisë. Ndërsa tha çdo voto do të tregohet para kamerave për të siguruar transparencë të plotë.
Sipas tij, tashmë Partia Demokratike do të kthehet në një forcë fitimtare duke ndjekur vetëm modelin e demokracisë “Këtu gjenden militantë pamposhtur të PD-së dhe qëllimi është rikthimi i kësaj force politike në forcë fitimtare. PD do bëjë gjithçka që këtë model ta promovojë në mbarë Shqipërinë, sot risia tjetër që ju do të përjetoni është se çdo votë do të tregohet para kamerave, njerëzisht ju kërkoj mos humbisni durimin dhe ndiqeni. Ju garantoj se kjo rrokullisje e demokracisë e ka origjinën te nënçmimi i votës së lirë”, u shpreh Berisha.
Discussion about this post