Detaje të reja janë zbuluar ditën e sotme nga super operacioni me 19 të arrestuar në qytetin e Korçës.
Policia bën me dije se hetimet gjashtë mujore dokumentuan veprimtarinë kriminale në fushën e shitjes së lëndëve narkotike, dhe bënë të mundur arrestimin e grupit të përfshirë në këtë aferë kriminale dhe sekuestruan 485.5 kg lëndë narkotike.
Si rrjedhojë, është bërë e mundur të dokumentohet veprimtaria kriminale në fushën e shitjes së lëndëve narkotike për 31 persona të dyshuar, ku sipas tyre mësohet se shumica prej të cilëve në më shumë se një rast pjesëmarrës.
Ndër të tjera bëhet me dije se në kuadër të këtij operacioni përveç 19 të arrestuarve janë sekuestruar në cilësinë e provës materiale, 1 armë sportive, 4 automjete, 1 presë e cila shërbente për paketimin e lëndës narkotike, 1 peshore elektronike si dhe 1 armë zjarri automatike dhe 1 krehër me 9 fishekë pa leje.
Discussion about this post