Një 23-vjeçar shqiptar ka dalë përballë gjykatës angleze teksa u kap duke transportuar kanabis me furgonin e tij. Andrea Shani u zbulua nga policia pasi ishte në kundërvajtje me furgonin e tij me të cilin po transportonte një ngarkesë me 76 bimë kanabis gati për shitje.
Policia i ka urdhëruar të ndalojë në urën e famshme Humber por i riu shqiptar sapo ka parë policinë angleze ka braktisur furgonin dhe ka tentuar të arratiset. Por ai u vendos në pranga më pas nga policia, duke dalë më pas para gjykatës angleze ku ka pranuar edhe posedimin e drogës dhe transportin e saj përmes furgonit, shkruajnë mediat angleze.
Pasi gjykatësi është njohur me veprimin e të riut shqiptar i cili kishte hyrë kundërvajtje me furgonin e tij ka mbetur pa fjalë duke u shprehur se një gjë të tillë mund ta bënte vetëm në Shqipëri. Pasi 23 vjeçari shqiptar braktisi furgonin, brenda automjetit u gjet një telefon celular, karta e identitetit dhe fotografi të tij. Gjithashtu policia zbardhi edhe mesazhet në telefon të cilat tregonin se ai ishte në dijeni për ngritjen e fermës së kanabisit.
Në fillim u dyshua se ai e kishte vjedhur kanabisin, por sipas drejtësisë angleze 23-vjeçari shqiptar po bënte thjesht transportin e drogës.
I riu pranoi akuzat dhe u dënua me 1 vit burg por për shkak të kohës së kaluar në paraburgim, ka të ngjarë që 23 vjeçari të lihet i lirë për t’u depërtuar në Shqipëri.
Discussion about this post