Ashtu sikurse ishte lajmëruar në rrugën e Rinasit, shumë banorë janë mbledhur sot për të protestuar, pas kaosit të shkaktuar një ditë më parë. Ditën e djeshme, ata i kanë bërë një kërkesë-njoftim policisë së qytetit të Krujës të cilën e kanë lajmëruar për kohëzgjatjen e protestës.
Sipas kërkesës, bërja e rrugës me një krah është problem për banorët, për shërbimet edhe më minimale. Së fundmi, në kërkesë ata kanë shkruajtur se mbyllja e rrugës i pengon që të shkojnë në varreza apo të dërgojnë fëmijët në shkollë. Kjo rrugë u bë vetëm me një drejtim kalimi dhe ka sjellë trafik të ngarkuar me radhë të gjata automjetesh.
Për këtë arsye ata janë mbledhur sot për të protestuar ndërkohë në vendngjarje ka forca të shtuara të policisë.
Discussion about this post