Nëna e autores së dyshuar për ngjarjen e rëndë në Korçë, ka komentuar ngjarjen ku vajza e saj dyshohet se ka lindur një foshnje dhe më pas e ka futur në valixhe duke bërë që kjo e fundit të ndërrojë jetë.
Teksa tentonte të largohej për të mos folur para gazetarëve, nëna e autores shprehet se e dinte që vajza e saj ishte e sëmurë dhe e kishte dërguar vetë në spital. Ajo u shpreh se nuk kishte dijeni për shtatëzaninë dhe bashkëshorti i saj kishte qenë në Greqi por ishte kthyer.
A ishte e sëmurë vajza?
Ishte ishte e sëmurë, unë e shtrova në spital.
Po për shtatëzaninë dinit gjë?
Jo, jo, jo.
Po i shoqi ku ishte?
Në shtëpi
Nuk ishte në Greqi?
Po ishte dhe erdhi.
Ngjarja e rëndë u zbulua ditën e sotme në Korçë ku Klodi Hasimllari, denoncoi në policinë e Korçës bashkëshorten e tij për vrasjen e një foshnje. Ai jetonte në Greqi dhe kishte një muaj që ishte kthyer. Vetëm disa ditë më parë ai vuri re një aromë të rëndë në shtëpi ku mëngjesin e sotëm zbuloi edhe trupin e pajetë të një foshnje të sapo lindur, për të cilin thotë që nuk është fëmija i tij, pasi kishte një vit në Greqi./Top Channel
Discussion about this post