Ndikimi i Lionel Messit në futboll është i përjetshëm, dhe një nga momentet më të famshme të karrierës së tij ishte goli i tij në minutën e fundit në El Clasico, në vitin 2017.
Ai gol ishte i 500-ti i karrierës së tij dhe Messi e festoi duke hequr fanellën e Barcelonës dhe duke e mbajtur atë para fansave të Real Madridit.
Fanella e Messit u hodh në shitje së fundmi në një ankand në rrjetet sociale. ‘Anishfutbol’ e kishte në pronësi fanellën dhe shkroi mbishkrimin e mëposhtëm në Instagram.
“Ka mbërritur në koleksionin tim… Ajo fanellë që Leo Messi e mbajti lart, pasi vendosi El Clasico me golin e tij të 500-të”, ka shkruar ai.
Është e kuptueshme, kërkesa për fanellën e argjentinasit ishte e madhe dhe shumë shpejt ajo u shit për 450,000 dollarë.
Discussion about this post