Pronari i kompanisë shqiptaro-turke “Tur-Alb-Krom”, Fethi Kaya, është dënuar me 3 vite burg për mashtrim dhe shfrytëzim pa kriter të minierave në Shqipëri. Janë të shumta rastet kur investitorë të huaj, që janë të përkëdhelurit e qeverisë sonë, vijnë në Shqipëri dhe me justifikimin se po investojnë, në fakt zhvasin pasuritë tona. I tillë duket se është edhe rasti i biznesmenit të dyshimtë turk Fethi Kaya, pronar i kompanisë minerale “Tur-Alb-Krom”, i cili shfrytëzon miniera në Kalimash dhe Bulqizë. Bëhet me dije se, Fethi Kaya është dënuar në Shqipëri me 3 vite burg për evazion fiskal dhe fshehje të ardhurash. Si për ironi, që nga viti 2019, Fethi Kaya rezulton edhe President i Dhomës së Tregtisë dhe Industrisë Shqiptare –Turke.
Fethi Kaya është dyshuar edhe për pastrim parash, mashtrim me pasoja të rënda etj, por gjykata e ka gjetur fajtorë vetëm për evazion fiskal dhe fshehje të ardhurash, që në fakt konsumojnë edhe pastrimin e parave. Bëhet me dije se dënimi është mbajtur i fshehtë, pasi Fethi Kaya, me lidhjet e tij të krijuara, po përpiqen të rrëzojnë vendimin në Apelin e Tiranës, ku besohet se një sekser po tenton të mbulojnë me para trupin gjykues. Ne do të ndjekim dhe monitorojmë shqyrtimin e kësaj dosje nga Gjykata e Apelit, duke raportuar çdo lëvizje korruptive dhe të paligjshme.
Shkeljet e evidentuara
Të dhënat e publikuara në regjistra tregojnë se, Fethi Kaya regjistroi në Tiranë kompaninë minerale “Tur-Alb-Krom” në qershor të vitit 2008 me kapital 100 mijë lekë, ndërsa sot kapitali i saj figuron 4.5 milionë USD. Nuk dihet se si Fethi Kaya arriti të bëhej pjesë shfrytëzimit të nëntokës shqiptare. Një raport inspektimi i kryer nga Agjencia e Burimeve Natyrore në tetot 2013, me urdhër të ish-ministrit Damian Gjiknuri, zbulon batërdinë e “Tur-Alb-Krom” në zonën D të minierës së Bulqizës. U propozua menjëherë pezullimi i lejes së shfrytëzimit, por Fethi Kaya rinisi punën shumë shpejt, me metodat që i ka mësuar shumë mirë në Tiranë. Fethi Kaya është pjesë e rëndësishme edhe një dosje tjetër penale që ndodhet në duart e prokurorit Afrim Shehu në Durrës.
Fethi Kaya, në bashkëpunim me një ‘ujk të vjetër’ dallaveresh të Portit të Durrësit, Xhevdet Hyseni, dyshohet se u kanë faturuar krom rreth 94 fermerëve të Korçës, të cilët gjithë jetën kanë shitur duhan. Në këtë mënyrë, kjo dyshe kanë vjedhur dhe rrënuar kompaninë e mbledhjes dhe përpunimit të duhanit Gazmir Sardi, por edhe shtetin shqiptar, me anë të rimbursimit të TVSH, evazionit fiskal, mashtrimit, falsifikimeve, faturave fiktive etj. Në këtë dosje, janë implikuar dhe kanë firmosur një listë zyrtarësh publikë, për të cilët do të flasim në vijim. Duke se kjo është edhe arsyeja se pse prokuroria ka mbyllur sytë përballë fakteve verbuese penale dhe personave të implikuar, me firmë dhe vulë/Prapaskena/
Discussion about this post