Një ngjarje e rëndë ka ndodhur në Greqi, ku një vajzë tre vjeçare ka humbur jetën në spitalin “Ippokratio”, teksa prindërit pritet të bëjnë padi për të hetuar mundësinë e një gabimi mjekësor.
Sipas mediave, e gjitha nisi të martën kur vajzën trevjeçare ajo u shtrua në spitalin “Papageorgiou” me ënjtje në kyçin e këmbës. Pas disa ditësh shtrimi në spital, shëndeti i saj u përkeqësua, madje mjekët e spitalit po shqyrtonin mundësinë e sëmundjes “Kawasaki”.
Pas biopsisë, u përjashtua mundësia e vaskulitit akut sistemik, ashtu edhe ai i Covid-it të gjatë, pasi në trupin e saj u zbuluan antitrupa. Me përkeqësim të gjendjes shëndetësore, 3-vjeçarja u transportua e intubuar të shtunën në “Ippokratio” , në orën 12 të mesditës, ku pas rreth dy orësh e gjysmë humbi jetën.
Sipas informacioneve, mjekët nuk kanë arritur në një diagnozë, fakt që ngre pikëpyetje për shkaqet që çuan në vdekjen e vogëlushes. Gjithashtu, të njëjtat informacione thonë se ajo ka pësuar edhe edemë cerebrale.
Ndërkohë prindërit e saj u dërguan në Departamentin e Policisë së Toumbës për të ngritur padi për vdekjen e fëmijës së tyre, duke shprehur dyshime për një gabim mjekësor. Pritet të kryhet autopsia e cila do të hedhë dritë mbi arsyen e vërtetë të vdekjes së saj.
Discussion about this post