Pas dy ditëve protestë nga banorët, më në fund ka ardhur një reagim nga ARRSH në lidhje me devijimin e rrugës në Rinas, që po iu hap probleme qytetarëve. Kreu i Autoritetin Rrugor Shqiptar, Evis Berberi, ka thënë në një deklaratë për mediat se, vetëm e mbas sezonit turistik do të ketë një zgjidhje përfundimtare për këtë çështje. Pas përfundimit të protestës së Rinasit, Berberi deklaroi se rrugica do të jetë në përdorim nga komuniteti që banon aty pranë.
“Kemi bërë një zgjidhje të mirë të lëvizjes së trafikut. Pengesat më të mëdha janë për ata që humbin avionin duke lejuar përdorim një sens. Ka rrugica që mund të përdoren nga komuniteti aty për të lëvizur. Ka fluks trafiku për shkak te turisteve te shumte, do shtohet me 30% fluksi. Mbas sezonit do ketë zgjidhje definitive. Nuk do zgjerohet rruga, por po punojmë për të pasur një rruge alternative që presim ta përfundojmë deri në përfundim të sezonit. Tenderi për rrugën alternative do hapet këtë muaj”, tha Berberi. Banorët që preken nga kjo rrugë kanë dalë dy ditë rresht në protestë, ku madje në disa momente ka pasur përplasje me policët, të cilët kanë tentuar të prishin protestën.
Discussion about this post