Ditën e sotme kancelari i Gjermanisë, Olaf Scholz do të pres në kryeqytet, në takime të veçuar kryeministrin Albin Kurtin dhe presidentin serb Aleksandër Vuçiç.
Analistët e shohin takimin si një tentativë për zhbllokimin e procesit të dialogurt dhe mundësi drejt arritjes së një marrëveshje midis Serbisë dhe Kosovës ku Bashkimi Europian synon të mbështesë dialogun me anë të dërguarit të posaçëm Miroslav Lajçak.
Peter Stano ka thënë se me anë të ftesës të kancelarit Scholz, emisari Lajçak do të udhëtojë gjithashtu në Berlin për t’u takuar me kancelarin dhe më pas për të zhvilluar një takim jozyrtar të veçantë me presidentin Vuçiq dhe kryeministrin Kurti”, thuhet në përgjigjen e Stanos.
Ndërkaq, Arton Demhasaj nga organizata “Çohu”, në një prononcim për Telegrafin vlerësoi se nëse gjithçka shkon mirë në Bruksel, shpejt mund të ketë një takim të nivelit të lartë Kurti-Vuçiç me ndërmjetësim të dërguarit të posaçëm të BE-së për dialogun Kosovë-Serbi, Miroslav Lajçak.
Demhasaj ka thënë për mediat se nëse takimi shkon si duhet mund të kemi një takim të nivelit të lart Kurti-Vuçiç me anë Miroslav Lajçak.
Sipas tij, ekziston mundësia e madhe për një marrëveshje është e madhe, pasi në këtë proces ka fokus të gjerë nga Perëndimi.
“Tentativa e kancelarit gjerman do të jetë zhbllokimi i procesit të dialogut, dhe mundësia për të arritur sa më parë marrëveshjen finale. Nëse gjithçka shkon mirë në takimin e nesërm me shumë gjasë shumë shpejt mund të kemi një takim të nivelit të lartë Kurti-Vuçiç me ndërmjetësim të Lajçak për të filluar raundin final të dialogut. Mundësi për me pas një marrëveshje është e madhe për faktin se kemi inkuadrim të madh të Perëndimit në këtë proces, sidomos nga SHBA-të dhe BE, e tash edhe nga kancelari gjerman. Mendoj që ditëve në vijim mund të ketë lëvizje pozitive në drejtim të një marrëveshjeje”, ka thënë Demhasaj.
Takimi i kancelarit gjerman me kryeministrin Kurti është në orën 15:00, kurse më pas do të mbahet një konferencë për media rreth orës 16:00. Kruse takimi me presidentin serb Aleksandar Vuçiç do të zhvillohet në orën 17:30, ndërsa nga ora 18:30 do të mbahet një konferencë për media.
Kryeministri i Kosovës, Albin Kurti dhe presidenti i Serbisë, Aleksandar Vuçiç u takuan për herë të parë më 15 qershor të vitit 2021 në Bruksel, në kuadër të dialogut Kosovë-Serbi. Takimi i dytë ndërmjet Kurtit dhe Vuçiçit ndodhi më 7 korrik 2021 dhe që atëherë nuk ka pasur takime të reja në nivel të lartë.
Discussion about this post