Me fëmijët sot në protestë/ Banorët në Rinas: Nuk kemi rrugë që t’i çojmë në shkollë

Në ditën e sotme në protestën e Rinasit janë përfshirë edhe fëmijët e banorëve të zonës. Prindërit e tyre thonë se nuk i çojnë fëmijët në shkollë në shenjë revolte, por edhe për shkakun se me bllokimin e njërit sens të rrugës ata nuk kanë se ku të kalojnë për të shkuar në shkollë.

“Nuk i çojmë fëmijët në shkollë, sepse nuk kemi nga të kalojmë. Le të hapin rrugën dhe unë do të jem i pari që e çoj vajzën time përdore në shkollë. Por kështu nuk kemi si ta çojmë, prandaj kërkojmë që rruga të hapet se po na prishin shumë punë”, u shpreh një banor. Sakaq, ata kanë përshkallëzuar protestën sot pasi janë ulur në pikën e rrethrrotullimit kryesor për në aeroport, një nyje shumë  e rëndësishme kjo që krijon trafik dhe bllokon kalimin për në aeroport.