Një 31-vjeçar shqiptar është dënuar me burgim të përjetshëm në Britaninë e Madhe, pasi është shpallur fajtor për vrasjen e një punonjësi kanabisi. Shqiptari është, Eugert Merizaj, i cili ka vrarë Hemauand Ali Hussein në një shtëpi të zbrazët në Charterhouse Street në vitin 2019. Shqiptari është ekstraduar nga Belgjika ku u arratis shtatorin e kaluar. Ai bleu një sëpatë, lidhëse kabllosh dhe litar që ishin planifikuar për t’u përdorur në vrasje, pavarësisht se kjo gjë nuk ndodhi.
Merizaj gjithashtu bëri tre udhëtime në Hartlepool me anëtarë të tjerë të bandës dhe ishte jashtë shtëpisë kur Hussein u vra. Ai nuk është personi që e qëlloi Hussein, por ka marrë pjesë në krim dhe është trajtuar nga drejtësia njësoj si anëtarët e tjerë të grupit.
Ngjarja ka ndodhur në 14 shtator të vitit 2019. Tre nga bashkëpunëtorët e dyshuar të Merizajt, Noza Saffari, Dorian Pirija dhe Qazim Marku u shpallën fajtorë për vrasjen e Hussain, por u liruan pas një gjyqi në janar të vitit të kaluar. Personi i katërt që u gjykua për vrasje është Anxhelo Xhaferi, 25 vjeç, por edhe ky u lirua nga të gjitha akuzat.
Discussion about this post