Fëmijët në Rinas duhet të kalojnë mes peripecive të shumta për të shkuar në shkollë dhe rreziku më i madh vjen nga rruga e cila është pa trotuar. Për të dytën ditë radhazi ata nuk kanë shkuar në shkollë pasi 200 metra midis makinave janë kosto e madhe e cila fatkeqësisht rrezikon sigurinë e tyre.
Rruga tjetër e sugjeruar nga ARRSH, e njohur si ‘Ura e Brrakës’, nuk vjen në ndihmë të tyre edhe nëse do të kishte një mjet transporti që do t’i merrte fëmijët, e më pas do të kalonte në këtë segment rrugor, sërish fëmijët detyrohen të përshkruajnë rrugë në këmbë mes makinave sepse kjo rrugë nuk shkon deri tek shkolla.
Dhe efektet e rrugës së re po pasqyrohen sepse në shkollën ‘Rexhë Deliu’ ditën e sotme kanë shkuar vetëm 6 nxënës, ndërsa mësuesit e shkollës thanë se kanë shkuar vetëm nxënësit që kanë shtëpitë afër. Madje dhe ata që e kanë afër, nuk kanë shkuar në shkollë pasi nuk kanë shokët dhe shoqet në mësim.
‘Në klasë të parë, nuk ka shkuar në shkollë pasi, nuk i kanë shkuar shoqet në shkollë. Vijnë me furgonin e lagjes, nuk ka rrugë, vetëm kjo pjesë këtu është që i kanë në lagje.’- tha njëri nga prindërit.
“Jo nuk i çova fëmijët në shkollë, si t’i çoj? Unë po kaloj kundravajtje për të shkuar te toka, fëmijët nuk kanë si kalojnë. Furgoni nuk erdhi t’i merrte. Para 1 majit vinin çdo ditë. Paguanim 20 mijë lekë për një fëmijë, tani kërkojnë 55 mijë lekë.
Discussion about this post