Bashkia e Tiranës ka hapur procedurën e prokurimit publik për tenderin më numër REF-27147-04-29-2022 për “Shërbime në lartësi me Vinç (kosh) për ngritje personash dhe objektesh” me fond limit 121 milion lekë të vjetra pa TVSH ku kushtet e tenderit paraqesin tendencë për t’iu përshtatur një kompanie specifike nga ndërmarrja e Dekorit dhe Eventeve.
Në 4 maj kur është shpallur procedura, te dokumentat e tenderit kërkohet që kompania fituese të mos tejkalojë xhiron minimale, pra kërkon me ngulm se sa duhet të jetë xhiroja e kompanisë e cila dukshëm paraqet rrezik për korrupsion dhe favorizim në procedurën e prokurimit pasi kompania mund të jetë paracaktuar.
“Vërtetim xhiroje vjetore nga Administrata Tatimore maksimumi për 3 vitet e fundit, ku vlera e xhiros minimale vjetore që u kërkohet operatorëve ekonomikë nuk mund të tejkalojë vlerën e përllogaritur të kontratës”, shkruhet tek dokumentat duke ngritur pikëpyetje mbi qëllimet që fshihen për një tender që kap vlerën 100 mijë euro.
Zakonisht kjo kërkesë në dokumentat e tenderave të tjerë kërkon minimalen e xhiros vjetore të tre viteve të fundit të kompanisë dhe nuk thotë që kompania nuk duhet të ketë bërë shumë xhiro sepse është e pakuptimtë si kërkesë. Sa më shumë xhiro të ketë një kompani, aq më shumë eksperiencë ka dhe më shumë profesionalizëm krijon në mënyrën e të punuarit.
Problemi tjetër lidhet me qellimin e marrëveshjes kuadër, do harxhohen 100 mijë euro për të ngritur punonjësit e bashkisë vetëm për të vendosur flamuj dhe postera me shkrimet për festat kombëtare dhe vinçi do paguhet sipas orëve. Pra, bashkia vet, ka apo nuk ka vinç? A jemi ne të përgatitur për emergjenca civile? A e ka marrë 4% e Emergjencave Civile Erion Veliaj nga qeveria për të qënë në gatishmëri në rast të Gjendjes së Emergjencës?
Në total, tek dokumenti përfshihen 4815 orë pune për lartësi të ndryshme ku maksimumi është 46 m dhe minimumi 19 m dhe sipas llogarive i bie më shumë se gjysmën e vitit, vinçi do merret me dekorimet dhe zbukurimet e Tiranës. Nëse shohim kalendarin shtetëror, janë 14 ditë festash kombëtare ndërkohë që vinçi do paguhet për 200 ditë nga viti kalendarik.
Para pak ditësh, autobusi urban i linjës së Unazës ka rënë në lumin e Lanës dhe ka ngelur atje ndërkohë Veliaj ka hedhur idenë për instalacion duke fituar kohë për ta sjellë veten në qendër të diskutimeve. Kujtojmë se kanë ndodhur dy incidente të ndryshme brenda disa ditësh, vetëm me autobusat modernë të Unazës por vëmendja është vendosur tek shoferi dhe aspak tek gjendja teknike e këtyre autobusëve.
Pastaj fakt është që autobusi i braktisur në Lanë shëmton gjelbërimin e pakët që ka Tiranë në një lum fantastik në mes të kryeqytetit i cili për fatin e keq të banorëve ndotet nga shkarkimet e ujërave të zeza.
Discussion about this post