63 miliardë lekë do të shpenzojë Erion Veliaj për persona që do të mbikëqyrin punimet e Ujësjellës Kanalizimeve në Tiranë. Prej vitesh Veliaj premton se në të gjithë zonat e Tiranës do ketë furnizim me ujë të pijshëm, në fakt edhe pas më shumë se 8 vitesh uji vjen me orar të reduktuar dhe nuk mund të përdoret as për të pirë dhe as për të gatuar. Gjithashtu kanalizimet nuk funksionojnë, çdo herë që ka shi Tirana përmbytet. Në këto kushte ngrihet pikëpyetje se ku shkojnë paratë që Veliaj i shpenzon për menaxhimin e ujësjellësit? Dhe sikur të mos mjaftonte tashmë ka vendosur të jap plot 63 miliardë lekë për mbikëqyrjen e punëve.
Por, për çfarë punimesh bëhet fjalë? Në dokumentet e publikuara në Agjencinë e Prokurimeve Publike janë publikuar 7 tenderë të UKT, sigurisht me konfirmim të Veliaj, për mbikëqyrjen e punimeve të ujësjellësit në disa zona të Tiranës. I pari është tenderi me objekt “Mbikëqyrje e punimeve për ujësjellësin në zonën e Autostradës Tiranë-Durrës ”. Për këtë tender është planifikuar të shpenzohen 3.4 miliardë lekë. Ndërkohë, vetëm për tenderin me objekt: Mbikëqyrje e punimeve për ndërtimin e një depoje uji e tek Vilat Qeveritare ” do të shpenzohen 207 milionë lekë.
Po ditën e sotme UKT nën varësinë e Bashkisë Tiranë ka vendosur të shpenzojë 1.1 miliard lekë për mbikëqyrjen e punimeve për një ujësjellës që parashikohet të ndërtohet pranë spitalit “Shefqet Ndroqi”. Në këtë pikë plani i Veliaj bëhet edh më absurd, sepse shpenzon para për mbikëqyrjen e punimeve të një objekti që akoma nuk ka një plan dhe afat konkrete të ndërtimit. Më tutje, APP ka publikuar një tender që UKT pretendon të shpenzojë 1.2 miliard lekë për mbikëqyrje të punimeve për kanalizimet në rrugën Dervish Hima. Më tutje, evidentohet se 608 milionë lekë do të shkojnë për mbikëqyrjen e punimeve në Bërxullë. Ndërkohë, 622 milionë lekë janë parashikuar të shpenzohen për rikonstruksionin e ujësjellësit në rrugën e Dibrës. Tenderi tjetër kap vlerat e 405 milionë lekëve dhe bëhet fjalë për mbikëqyrjen e punimeve për riparime në ujësjellësin pranë zonës së Cekrezës. Ndërkohë dhe tenderi i fundit 366 milionë lekë do të shpenzohen për punimet në ujësjellësin e zonës së “5 Majit”.
Pra 7 tenderë për Ujësjellës Kanalizime Tiranë, ku si uji i pijshëm si kanalet e kullimit kanë probleme dhe nuk janë funksionalë. Sikur duket, shumica e parave për mbikëqyrës që do të kontrollojnë punime që nuk kanë nisur fare. Edhe për ato zona ku po bëhen punime, rezultatet nuk janë aspak pozitive, pasi qytetarët vazhdojnë të kenë mungesë të ujit të pijshëm dhe të paguajnë fatura të kripura. Sigurisht që do të ndodh kështu, pasi 63 miliardë lekëshi do të merret nga xhepat e taksapaguesve dhe në fund tenderin do ta fitojnë miqtë e Veliajt. Kujtojmë këtu faktin se nga një raport i fundit i ERRU, Ujësjellësi i Tiranës ka rezultuar si një nga më problematikët për abuzimin me fondet dhe ankesat që bëhen nga qytetarët/ E.H/Gijotina.com/
Discussion about this post