Ja benefitet që marrim nëse qëndrojmë një javë pa rrjete soiciale

Sipas një studimi të ri shkencor britanik është bërë me dije se personat që ndalojnë përdorimin  e rrjeteve sociale edhe për një javë tregojnë një përmirësim të dukshëm në gjendjen shpirtërore dhe  shëndetin mendor ku më tepër ndikon për ankthin dhe depresionin e tyre.

Studiuesit në Universitetin Bath, të udhëhequr nga Dr. Jeff Lambert i Departamentit të Shëndetësisë, i cili publikoi studimin në Cyberpsychology, Behavior and Social Netëorking , studiuan 154 njerëz të moshës 18 deri në 72 vjeç, të cilët ishin përdorues të rregullt të mediave sociale

Pjesëmarrësit u ndanë rastësisht në dy grupe: Njëri vazhdoi të përdorte mediat sociale si Facebook, Instagram, Tëitter, TikTok në baza ditore, ndërsa tjetri ndaloi për një javë duke lëshuar një mesatare prej tetë deri në nëntë orë në javë. Shëndeti mendor i individëve u vlerësua si në fillim ashtu edhe në fund të studimit.

Një javë distancë nga mediat sociale u zbulua se ishte e mjaftueshme për të përmirësuar ndjenjën e përgjithshme të mirëqenies mendore dhe për të reduktuar simptomat e ankthit dhe depresionit në veçanti.

Dr. Lambert theksoi se “përdorimi i mediave sociale është aq i përhapur sa shumë prej nesh e bëjnë atë pa menduar, që nga momenti kur zgjohemi deri në mbylljen e syve natën. Ne e dimë se për shkak të këtij përdorimi të madh të mediave sociale,  janë shprehur shqetësime në rritje  për efektet në shëndetin mendor. “Studimi ynë tregoi se shumë pjesëmarrës raportuan përfitime nga një pushim javor nga mediat sociale, duke treguar humor të përmirësuar dhe më pak stres në përgjithësi, që do të thotë se edhe një pushim i shkurtër mund të ketë një efekt pozitiv .”

“Sigurisht,” shtoi ai, “për shumë njerëz, mediat sociale  janë një pjesë e jetës së tyre  dhe një pjesë integrale e asaj se kush janë dhe se si ndërveprojnë me të tjerët.” “Por nëse shpenzoni orë të tëra çdo javë për to dhe ndiheni të ndikuar negativisht, ka vërtet kuptim të ndaloni përdorimin e tyre për të parë nëse kjo ndihmon .”

Studiuesit më pas do të studiojnë nëse përfitimi mendor zgjat në afat të gjatë, nëse “abstinenca” nga mediat sociale  zgjat më shumë se një javë . Nëse kjo vërtetohet, siç u përmend, atëherë duhet të konsiderohet nga profesionistët e shëndetit mendor si një opsion tjetër kliniko-terapeutik.