Një ngjarje e pazakontë ka ndodhur në Amsterdam. Disa pasagjerë janë përleshur me njëri-tjetrin në një avion. Nga një video e filmuar nga të pranishmit, duket se dy grupe burrash filluan të debatonin dhe më pas të godisnin njëri-tjetrin për çështje racizmi. Sipas dëshmitarëve, tensionet ishin krijuar gjatë gjithë udhëtimit pasi një grup bëri komente raciste ndaj tjetrit.
Siç shihet edhe nga pamjet, një pasagjer përpiqet të tërheqë burrin me bluzë blu, por nuk arrin dot. Më pas ai vazhdon të godasë me këmbë kundërshtarët e tij disa herë, ndërsa ata janë në dysheme në rreshtin e mesëm. Më vonë shfaqet kapiteni i fluturimit dhe përpiqet të qetësojë situatën, duke tërhequr një nga ‘sherrxhinjtë’ nga vetja.
Dy burra të tjerë, njëri i veshur me një bluzë gri dhe tjetri me një xhaketë të zezë, vazhdojnë të godasin me grushte një tjetër burrë. Personat e përfshirë në sherr janë arrestuar nga policia.
Discussion about this post