Partia Socialiste ka mbledhur ditën e sotme Asamblenë ku pritet të ratifikohen vendimet e marra në Kongresin 9 prillit. Pas sekretarit të përgjithshëm, Damian Gjiknuri, fjalën e ka marrë kryeministri Edi Rama ku fillimisht falënderoi pjesëmarrësit në Kongres.
Në fjalën e tij, Rama tha se pas Kongresit tani është radha e zgjedhjeve për kryetarët e degëve, ku sipas tij procesi do të mbyllet në fund të qershorit.
“Nuk e kam pasur mundësinë më parë, dua t’ju falenderoj të gjithëve për kontributin për realizimin me sukses të Kongresit, në aspektin organizativ për të bërë të mundur që formati i ri të jetë i suksesshëm. Falenderoj ata që u angazhuar për ta bërë një kongres të hapur dhe të gjallë, ku PS u takua me pjesët e shoqërisë që ne u flasim. Nga ana tjetër, Kongresi i hapi rrugë një procesi të ri të PS për të hyrë në zgjedhjet e reja për drejtuesit e Partisë në 61 bashkitë e vendit dhe të gjitha njësitë administrative. Është proces që jep mundësi simpatizantëve dhe mbështetësve të PS që të përfshihen në zgjedhje. Të gjithë kandidatët apo kandidatet do të kalojnë përmes një rruge që faktikisht përveçse garanton hapjen e partisë dhe siguron meritën në përzgjedhje. Kryesia ka ngritur një Komision të Posaçëm zgjedhor për këtë proces që do të mbyllet në fund të qershorit. Komisioni do të ketë një detyrë të posaçme për të shpjeguar procesin që të mos ketë keqkuptime dhe as të përjashtuar si mungesë informacioni”, tha Rama.
Në Asamble do të ratifikohen disa nga ndryshimet statutore, e po ashtu do të miratohet ndërprerja e mandatit të kryetarëve aktual të degëve të PS në 61 bashkitë e vendit dhe do të vijohet me procesin e ri.
Discussion about this post