Lëvizte me stemë të policisë dhe transportonte kokainë, arrestohet 61-vjeçari në Tiranë

Një 61-vjeçar ka rënë në prangat e policisë pasi gjatë kontrollit fizik iu gjet një sasi lënde narkotike e llojit kokainë si dhe në mjet një stemë të policisë.

Policia bën me dije se i arrestuari është me inicialet J.M, banues në Tiranë. 61-vjeçari përdorte stemën e policisë për të marrë ndonjë ‘favor’ dhe për t’i shpëtuar kontrolleve që mund të çonin në zbulimin e lëndës narkotike.

Gjithashtu në 24 orët e fundit janë vënë në prangat e policisë dhe 4 shtetas të tjerë për vjedhje, shitje të lëndëve narkotike dhe për goditje të një punonjësi të policisë si dhe 3 të tjerë për shkelje të rregullave të qarkullimit rrugor.

Materialet i kaluan Prokurorisë për veprime të mëtejshme procedurale.