Pas aksidenteve të njëpasnjëshme, ku ajo që tronditi më shumë qytetarët është përplasja e një çifti në kryeqytet teksa po kalonin rrugën me foshnjën 3 muajshe, policia ka nisur kontrolle masive.
Blutë po kontrollojnë kryesisht në zonën e Bllokut ku qarkullojnë makina lukzsoze që kryejnë manovra shpejtësie, duke testuar shoferët për alkool dhe drogë.
Autori i aksidentit të rëndë që tronditi të gjithë qytetarët paraditen e sotme, Ajas Sulejmani ishte nën efektin e drogës dhe shpejtësi përtej normave të lejuara në momentin që përplasi çiftin dhe foshnjën e tyre.
Ai gjithashtu rezulton se është shoqëruar për të njëjtën vepër penale nga policia vetëm tre javë më parë.
Aksidenti ka tronditur të gjithë qytetarët pasi, dy prindërit e foshnjës 3 muajshe ndodhen në gjendje të rëndë për jetën, ndërsa foshnja shpëtoi mrekullisht pas veprimit heroik që bëri nëna.
Discussion about this post