Vdekja e punëtorit në objektin e ndërtimit, arrestohen 3 persona në Durrës

Tre persona janë arrestuar në Durrës, pasi punëtori Genci Spaho 53 vjeç humbi jetën në një objekt në ndërtim e sipër, gjatë orarit të punës.

Mësohet se blutë kanë vënë në pranga Leonart Pulën 44 vjeç, Enea Xoxin 56 vjeç dhe Rauf Kacin 58 vjeç, pasi mbi ta persona rëndon akuza për veprën penale “Shkelja e rregullave të mbrojtjes në punë”.

Aksidenti ka ndodhur te lagjja e re në Spitallë, te objektet që po rindërtohen pas tërmetit.

“Specialistët për Hetimin e Krimeve në Komisariatin e Policisë Durrës arrestuan në flagrancë, për veprën penale “Shkelja e rregullave të mbrojtjes në punë”, shtetasit L. P., 44 vjeç, E. X., 56 vjeç dhe R. K., 58 vjeç, banues në Durrës, pasi për shkak të moszbatimit të rregullave të sigurisë në punë, në një objekt në ndërtim e sipër, në lagjen nr. 15, Durrës, gjatë punës ka gjetur vdekjen punëtori, shtetasi G. S., 53 vjeç”, thuhet në njoftim.

Në vërtetimin mjekësor, shkaku i vdekjes është cilësuar si aksident dhe jo aksident në punë.

Aksidenti ka ndodhur te lagjja e re në Spitallë, te objektet që po rindërtohen pas tërmetit.