Një grabitje me armë zjarri është regjistruar ditën e sotme ne Koplik në Malësinë e Madhe, ku tre persona të maskuar kanë grabitur një bankë të nivelit të dytë dhe më pas janë larguar.
Policia ka dalë me një njoftim zyrtar lidhur me arratisjen e grabitësve.
Sipas njoftimit, grabitësit kanë djegur makinën e tyre tip “Wolsëagen” dhe më pas nën kërcënimin e armës ndaj shoferit të një prej automjeteve që po kalonte në rrugë, kanë arritur të marrin një makinë tip “Benz” dhe janë larguar nga vendngjarja.
Shërbimet e Policisë janë vënë në ndjekje të autorëve duke u ndihmuar dhe nga shërbimet e Drejtorisë Vendore të Policisë Shkodër dhe grupe të FNSH Shkodër.
Mësohet se janë ngritur pika kontrolli, me qëllim identifikimin dhe kapjen e autorëve.
Grupi hetimor, nën drejtimin e Prokurorisë pranë Gjykatës së Rrethit Gjyqësor Shkodër, po punon për zbardhjen e ngjarjes dhe sqarimin e plotë të rrethanave të saj.
Discussion about this post