Sali Berisha nuk i ndalur akuzat sot ndaj kryeministrit Edi Rama. Ai ka hapur sërish temën e inceneratorëve dhe me bindje të plotë ka thënë se marrëveshja është firmosur në zyrën e Edi Ramës nga Engjell Agaçi. Basha madje ka zbardhur edhe skemë, që sipas tij është e vërteta, si u procedua me firmosjen e dokumenteve. Sipas Berishës, kërkesën në APP e dërgoi Lefter Koka, por nuk iu aprovua pasi ishte në shkelje të ligji. Sakaq, ai tregon me tutje se pavarësisht që kjo kërkesë ishte në kundërshtim me ligjin dhe askush tjetër nuk e bënte dot, Rama ndërhyri vetë dhe bashkë me Agaçin firmosën marrëveshjen për inceneratorët.
“Lefter Koka i propozoi Agjencisë së Prokurimeve Publike që këtë tender ta bëjë me negociata të mbyllura. Por agjencia i ka kthyer përgjigje që kjo nuk bëhet, se nuk është e ligjshme. Kjo marrëveshje u nënshkrua në zyrën e Ramës nga Ëngjëll Agaçi. Njeriu i cili duhej të ndalonte procedurën. Agaçi me instruktimin e Ramës në kundërshtim të agjencisë e merr dhe e kalon te Këshilli i Ministrave. Agaçi ishte i njoftuar që kjo procedurë ishte i ndaluar me ligj. Firmën e ka vendosur Rama dhe sapo të shkoi Agaçi te prokurori, ai thotë se firma është e Ramës dhe se ai ma kërkoi,” tha Berisha. Sipas tij, nëse SPAK do të hetojë me transparencë është lehtësisht e vërtetueshme që Rama dhe Agaçi janë kokat kryesore të kësaj afere gjigande.
Discussion about this post