Kryeministri Edi Rama ka vijuar me thirrjen e tij ndaj SPAK për nisjen e hetimeve për ish kryeministrin Sali Berisha duke i kujtuar kësaj strukture tragjedinë e Gërdecit dhe 21 janarin.
Në konferencën me ministrin Manja, Rama kërkoi dhe njëherë tjetër hetim për ish-kryeministrin Berisha pas shpalljes së tij non grata nga DASH dhe akuzave të cilat i quan më të rëndat ndaj një ish- kryeministri, duke i presionuar dhe me mbështetjen e SHBA.
“Që të jemi shumë të qartë juve mund të provoni të kundërtën unë s’kam kërkuar dhe askush s’ka kërkuar demon por hetim. Dënimin s’e vendosim ne por të hetohet një çështje që është gur në qafë për të gjithë Shqipërinë dhe nuk është çështje e një personi është domosdoshmëri që të zbardhet deri në fund një drejtësi e pavarur. Që është e pavarur kjo s’ka dyshim se po të mos ishte e tillë s’do ishin sot pas hekura ish ministra drejtorë që lidhen me këtë parti që është në pushtet. Drejtësia e pavarur duhet të çlirohet nga çdo kompleks i të kaluarës. Të hetohet 21 janari, krimi shtetëror nuk parashkruhet, deri në fund nëse është apo nuk është këtë do ta tregojë hetimi. Krim shtetëror që të vriten katër persona me plumba të vërtetë. Të hetohet Gërdeci. Ç’a ngutje është kjo, ç’a presioni është. Po të ishte ngutje duhet të ishin në fillim të viti 1 por në fund të vitit 3″, tha Rama.
Discussion about this post