Në konferencën e përbashkët me ministrin Ulsi Manja ku në fokus ishte Reforma në Drejtësi dhe presioni ndaj SPAK, kryeministri Edi Rama nuk ka kursyer as ambasadoren Yuri Kim.
Në fjalën e tij, Rama ka thënë i prerë se askush nuk mund t’i tregojë atij ndërhyrjen në drejtësi, duke iu përgjigjur në mënyrë indirekte ambasadores Kim, e cila është shprehur më herët se askush nuk duhet të ndikojë te drejtësia.
“Shikoni se sa shumë rëndësi i japim ne këtij procesi, mbështetja jonë është 360 gradë për drejtësinë e re. Mbështetja jonë është domethënëse kur ne e kemi qepur gojën dhe do ta mbajmë të qepur sa herë që institucionet e reja të drejtësisë do të hetohen në oborrin tonë. Kjo s’ka ndodhur kurrë në historinë e Shqipërisë. Ka pasur ministra të pushkatuar dhe të burgosur, ju e dini se si ka ndodhur, nuk ka ndodhur në histori se kush është në pushtet të qepë gojën. Kjo nuk është çështje aspak e ngatërruar është e thjeshtë, unë e besoj këtë gjë, e treta, merrni shikoni gjithë komunikimin tim me qytetarë në rrjetet sociale se sa herë, mbase një ditë do të botohen. Sa herë njerëzit me drejtohen mua si njeriu që i shqiti shpresat dhe besimin e tyre te një drejtësi e ri, shikoni përgjigjet e mia. Kryeministri nuk është prokuror e as gjykatës. Mua s’më jep dot leksione askush për ndërhyrje në drejtësi, as shqip as anglisht e as frëngjisht. Kush është i angazhuar politikisht kundër meje duhet të shikojë historinë”, tha Rama.
Discussion about this post