LSI i është përgjigjur përmes njëpostimi në rrjete sociale, deklaratave të kryeministrit Rama i cili i bën presion SPAK që të fillojë hetimin e prokurorëve dhe gjyqtarëve të shkarkuar.
Nënkryetari Petrit Vasili shkruan se Rama tani është drejtues i çdo organi të drejtësisë dhe duke qenë se “ka rrëmbyer çdo pushtet nuk ka me këtë ndajë përgjegjësinë e zullumit përveç vetes.”
“Rama tani edhe Drejtues i SPAK, Kryetar i KLGJ, Kryetar i KLP, Kryetar i Vetingut dhe Inspektor i Lartë i Drejtësisë!
Rrëmbeu çdo pushtet, rrëmbeu çdo fond publik ndaj tani s’ka me kë ta ndajë përgjegjësinë e zullumi përveç vetes.
Në krye të gjithçkaje është vetëm ai, Rama! Rama e di këtë, ndaj i bën presion SPAK- ut që të mos veprojë“, shkruan Vasili.
Duke i qëndruar këtij mendimi, Vasili rendit abuzimet e qeverisë me koncesionet, që sipas tij mbajnë faturën 10 miliard euro.
“Koncesionin e Rrugës së Kombit
Koncesionin e Aeroportit Ndërkombëtar të Rinasit
Koncesionin e Aeroportit të Kukësit
Aferën e depozitave të naftës në Porto Romano
Aferën e Astririt ku kilometri i Rrugës shkoi 25 milion euro kilometri
Rrugën Kardhiq Delvinë, që nuk mbaron kurrë e ndërkohë ha miliona pa mbarim.
Rrugën e Arbërit dhe tunelet, që kushtojnë 38 milion euro kilometri.
Aferën e frikshme të Portit të Durrësit të kundërshtuar fort nga vetë Bashkimi Europian.
Aferën e Butrintit, që nga shkatërrimi i parkut Kombëtar e deri tek vetë siti i çmuar arkologjik.
Koncesionin e plazhit të Gjeneralit.
Shitjen e ARMO për skrap.
Koncesionin e CHECK UP.
Prishjen e Parkut pas Universitetit të Tiranës për ndërtime dhe rrugë për llogari të oligarkëve, që shkatërrojnë edhe të vetmin gjelbërim të mbetur në Tiranë.
Katet pa leje të kullave të oligarkëve në mes të Tiranës, kur qytetarët çohen në polici për një dritare apo riparim banese.
Licensimin e Bankave me aksionerë të regjistruar në OFFSHORE.
Aferën shumë të rëndë të Teatrit Kombëtar.
Aferën e vendosjes së çmimeve të naftës dhe ushqimeve, në pazar të hapur qeveri dhe oligarkë, ku këta të fundit kanë po vetë monopolet e tyre të mbështetur nga qeveria.
Inceneratorët dhe qindra milionat e vjedhur në to.
Arbitrazhe të humbura me qindra milion euro për faj të qeverisë, një dëm i pallogaritshëm ky për ekonominë shqiptare.
Dhjetra Ligje dhe VKM të bëra me porosi teë oligarkëve ku deputetët e ministrat rilindas me Ramën në krye kanë votuar në Parlament e qeveri.
Qindra milionë euro të rindërtimit të përdorura hapur për të blerë vota.
Qindra milion euro tendera sekrete të miratuara nga qeveria e tij për pandeminë me çmime dhjetra herë më të larta
Fshehja kriminale nga ai dhe qeveria e provuar botërisht, e mijëra qytetarëve që humbën jetën nga Covid“, shkruan Vasili.
Discussion about this post