Kryeministri Rama bëri deklarata të forta sot ndaj SPAK, ku nuk kurseu as ambasadoren amerikane Yuri Kim duke treguar se fjalën e fundit do ta thotë gjithmonë ai.
Teksa jepte leksione drejtësie, një nga gazetarët e pranishëm i kujtoi Ramës se në krahun tij të majtë ndodhej Ulsi Manja, i cili del në përgjigjet e publikuar nga BILD në dosjen nr.184 për blerjen e votave në Dibër duke bërë pazare me ish-kreun e Komisariatit të Dibrës, Robert Aga.
Kjo pyetje nuk i ka pëlqyer aspak Ramën, i cili në gjendje të acaruar fyen gazetarin duke kujtuar një shprehje të gjyshes së tij.
Më poshtë diskutimi mes tyre:
Gazetari,Klevin Muka: Në krahun tënd të majtë ndodhet Ulsi Manja, i cili del në përgjigjet e publikuar nga BILD në dosjen nr.184 për zgjedhjet në Dibër duke bërë pazare për votat me ish-kreun e Komisariatit të Dibrës, Robert Aga. Sot z.Manja është ngritur në detyrë, është bërë ministër Drejtësie dhe jo në ndonjë institucion të vuajtjes së dënimit.
Rama: Po pse qesh kur e thua këtë..kur e reciton..
(Ndërhyn gazetari)
Rama: Jo s’ka nevojë, sepse me këtë që the (ironia ndaj Manjës në dialektin e Dibrës) bërë një thyerje të etikës profesionale.
Gazetari,Klevin Muka: Nuk ma mëson ti mua etikën, se nuk mësohet në pikturë etika, por në gazetari
Rama: Gjyshja ime thoshte “Nelle labra degli abbonda Il riso (Budallenjtë qeshin gjithnjë).
Discussion about this post