Lidhur me akuzat e bëra nga deputeti i PD, Agron Shehaj i cili me anë të një shkrimi në facebook, denoncoi se një pjesë e parkut të Butrintit po i jepej kompanisë “Manastir Resort”, gjysma e së cilës, sipas tij zotërohej kushëririt të tij, ka reaguar Sekretari i Përgjithshëm i PS, Damian Gjiknuri.
Gjiknuri i ka konsideruar akuzat e Shehajt si shpifje dhe është shprehur se do të ngrinte një padi në gjykatë ndaj tij. Ai gjithashtu shtoi se nëse Andi Gjiknuri nuk rezultonte të ishte kushëriri i tij, atëherë Shehaj do t’i paguante një dëmshpërblim.
“E siguroj deputetin Agron Shehaj se unë nuk jam si ata të partisë së tij që mohuan baxhanakun e ndjerë në Gërdec. Nuk kam ama se si të pranoj që çdokush që mban mbiemrin Gjiknuri dhe që merret me biznes duhet të jetë automatikisht djali i xhaxhait tim. Çdokush mban përgjegjësi e përgjigjet për ato që bën. Le ta provojë gjykata e do ta mbaj unë përgjegjësinë, por nëse unë nuk e kam djalë xhaxhai personin e përgojuar nga Agron Shehaj, atëhere Agroni duhet të më dëmshpërblejë për cënim të qëllimshëm të imazhit!” – shprehet Shehaj.
Discussion about this post