Një ankesë e Partisë Socialiste që udhëhiqet nga Ivica Daçiç, bën që në vendvotimin ku, Shaip Kamberi, mori votat e mjaftueshme për të qenë deputet në Kuvendin e Serbisë do të shkojë në përsëritje të votimit. Kjo shihet si një pengesë e radhës karshi shqiptarëve që të mos përfaqësohen në parlamentin serb.
“Megjithatë Kamberi shton se edhe diferencimet politike në Luginën e Preshevës çuan në një rezultat të dobët në zgjedhjet parlamentare të Serbisë” – tha Belgëzim Kamberi.
Në Serbi thonë që është vërejtur dora e partisë fituese në pengesat që u janë bërë minoriteteve për përfaqësim në institucione.
“Një pyetje që po shtrohet në Serbi është nëse SPS do të jetë pjesë e qeverisë dhe sa ulëse do të ketë. Ky është problemi kryesor politik dhe në këtë betejë, SPS po mundohet të margjinalizojë partitë opozitare si Shaip Kamberi, specifikisht atë sepse ai ishte një nga zërat e rrallë të opozitës demokratike në Serbi” – u shpreh Marko Milosavljeviç.
Komisioni Republikan Zgjedhor në Serbi mori vendim të hënën që vendvotimi nr.6 të shkojë në përsëritje të votimit për shkak të parregullsive, për të cilat u ankuan komisionerët e Partisë Socialiste. Shaip Kamberi që ende nuk dihet nëse do të fitojë ulëse në parlamentin e Serbisë ka të drejtë ankese në Gjykatën Administrative e të presë nëse ky organ të do të konfirmojë votat e fituara.
Discussion about this post