Kombëtarja kroate nuk do të ulet në gjunjë përpara ndeshjes së parë me Anglinë në Europian të dielën. Anglia ka premtuar se do të vazhdojë të bëjë gjestin kundër racizmit përpara çdo takimi të turneut këtë verë, pavarësisht disa kontestimeve nga spektatorët, të cilët kanë vërshëllyer në dy miqësoret e fundit kundër Austrisë dhe Rumanisë.
Kroatët që do të vijnë në “Ëembley” të dielën kanë konfirmuar përmes zëdhënësit të kombëtares, Tomislav Pacak, për “Athletic”, se ata nuk pritet ta bëjnë një gjest të tillë solidarizimi duke qenë se ajo nuk kërkohet në protokollet e UEFA-s. Kroacia nuk e ka bërë kurrë një gjest të tillë, përveç kombëtares së tyre U-21 që e respektoi gjatë Europianit të këtij viti kur ata u përballën me Anglinë.
