Kreu i grupit Parlamentar të PS, Taulant Balla, ka dalë në një deklaratë për mediat, ku ka folur më shumë për procesin e zgjedhjes së presidentit. Ai është shprehur se nesër nis raundi i parë i bisedimeve për emrin e Presidenti të ri, duke kujtuar edhe një herë se kandidatura të propozuara nga Sali Berisha dhe grupi i tij, nuk do të merren parasysh.
I pyetur se kur do ta bëjë PS publik emrin e kandidaturës së saj për Presidentin, Balla tha se maxhoranca prej fillimi ka shprehur dëshirën që Kreu i ri i shtetit të mos jetë nga radha e tyre. “Tani unë po flisja për bisedime dhe negociata me opozitën dhe natyrshëm që PS prej ditës së parë ishte e qartë në një dëshirë për të mos zgjedhur një President të PS, por të të gjithë shqiptarëve. Duam një figurë që të ketë një votë mbështetëse sa më të madhe dhe kjo arrihet duke zgjeruar konsensusin brenda Kuvendit”, tha Balla. Ndërsa theksoi se PS do të zgjedh një figurë që do iu shërbejë qytetarëve me integritet.
Discussion about this post