Pas Shpëtim Idrizit, ka qenë kreu i Partisë Republikane, Fatmir Mediu që ka dhënë një deklaratë për mediat pas takimit me Taulant Ballën për emrin e Presidentit të ri.
Duke qëndruar në të njëjtën linjë si Shpëtim Idrizi, Mediu ka hedhur poshtë propozimin e Enkelejd Alibeajt që kandidati i ri mos të jetë pjesë e politikës, pasi sipas tij, është absurde që politika të përjashtojë politikën.
“Qëndrimi ynë është që duhet të kemi një qëndrim të përbashkët opozitar për të plotësuar kushtet për president. Siç shoh procesin, besoj se s’do të ketë një kandidat ditën e hënë. Është absurde që politika të përjashtojë politikën. Ka njerëz që mund të konsiderohen njerëz me atribut. Qëndrim ynë ishte ky se do të kemi një dakordësi mes opozitës pas me mazhorancën”, tha Mediu.
Discussion about this post