Është finalizuar me sukses operacioni policor i koduar “Necklace”, i zhvilluar nga Komisariati i Policisë Nr. 6. Policia ka bërë të mundur arrestimin e dy autorëve të cilët tentuan t’i vidhnin me dhunë varësen e floririt shtetases me iniciale M. S., tek Unaza e Re, në rrugën “Teodor Keko”. Mësohet se njëri nga autorët ishte me masë sigurimi “Arrest në shtëpi”.
Si rezultat i veprimeve të shpejta, nga specialistët për Hetimin e Krimeve në Komisariatin e Policisë Nr. 6, u bë kapja dhe arrestimi në flagrancë i shtetasve: Armando Kurteshi, 30 vjeç, banues në Kombinat, për veprën penale “Vjedhja me dhunë”, kryer në bashkëpunim, mbetur në tentativë dhe Ervis Kurteshi, 35 vjeç, banues në Kombinat, për veprën penale “Vjedhja me dhunë”, kryer në bashkëpunim, mbetur në tentativë dhe “Largimi i të burgosurit nga vendi i qëndrimit”.
Materialet i kaluan Prokurorisë, për veprime të mëtejshme procedurale.
Discussion about this post