Drejtuesit e shkollave në Shkodër kanë ngritur alarmin sot për gjendjen jo të mirë të klasave. Ata i kanë dërguar një kërkesë bashkisë, kur i thonë se shkollat janë të palyera, me dyer të thyera, me nxënës që bëjnë mësim në korridoret e shkollës. Madje prej 8 vitesh atje mungojnë sanitaret dhe roja. Ata shprehen se problematikat janë shumëllojshme, ku përfshiheshin edhe mungesat e klasave për nxënësit duke bërë që këta të fundit të bënim mësimin me disa turne.
Ankesat erdhën nga vetë drejtuesit e shkollave të kësaj bashkie, gjatë një takimi të zhvilluar mes Zyrës Vendore të Arsimit dhe Bashkisë Shkodër në ambientet e sallës së Këshillit Bashkiak. Drejtuesit e shkollave u shprehën se një takim i tillë u kishte munguar për të shprehur këto problematika, që deri tani kanë rënë në vesh të shurdhër. Problematika të trashëguara ndër vite, që tashmë kërkojnë ndërhyrje apo zgjidhje nga kryebashkiaku i ri i Shkodrës.
Discussion about this post