Palët nga të dy vendet kanë vendosur që të forcohet energjetike Shqipëri-Greqi. Çka i jep shtetit helen të ketë në dorë bursën shqiptare të energjisë. Ndër të tjera, bëhet me dije se brenda vitit 2030 linja e interkonjeksionit Shqipëri-Greqi do të jetë funksionale. Këtë e ka bërë të ditur ministrja e Infrastrukturës Belinda Balluku që priti sot në Tiranë homologun e saj grek Kostas Skrekas.
Forcimi i mëtejshëm i bashkëpunimit mes dy vendeve në sektorin e energjisë ishte fokusi i takimit të tyre, në një kohë kur globi po përballet me një krizë energjie.
Ndër të tjera, ministrja Balluku tha se më 23 nëntor nis operimin edhe bursa shqiptare e energjisë, ku është pikërisht një konsorcium grek që ka fituar tenderin për ngritjen e platformës elektronike. Vënia në funksion e saj pritet të ketë një impakt të konsiderueshëm në rritjen e sigurisë së furnizimit me energji si dhe rregullimin e tregut.
Discussion about this post