Me afrimin e datës së zgjedhjes së kryetarit të ri, Partia Demokratike ka më shumë lëvizje dhe angazhime se kurrë. Gjatë ditës së sotme, ish-kryeministri Sali Berisha, kandidati kryesor për të fituar në 22 maj, por edhe Enkelejd Alibeaj që nga disa njihet si kryetar në detyrë i PD e disa të tjerë si kryetar grupi parlamentar, kanë zbarkuar në bazë.
Berisha është takuar me mbështetësit e tij në Elbasan, në takimin e parë të fushatës elektorale përballë Ibsen Elezit. Ai shoqërohej nga deputeti i këtij qarku Luçiano Boçi dhe strukturat lokale.
Nga ana e tij, Enkelejd Alibeaj pati një takim me strukturat e Fierit, nga ku ka dalë deputet e si për koicidencë nesër do t’i vizitojë Sali Berisha.
“Takimi me strukturat e PD-së, në Fier. Bashkëbisedim me anëtarë të kryesisë dhe drejtues grup seksionesh të kësaj dege dhe mbi të gjitha takim mes miqsh e kontributorësh historikë, të ditëve më të vështira. Së bashku me Kryetarin e degës së PD-së Fier, Agron Kapllanaj dhe me kolegët e qarkut, Eralda Tase Bano, Ilda Dhori dhe Saimir Korreshi”, bën të ditur Alibeaj
Discussion about this post