Deputeti Erion Braçe ka folur sërish për procesin e dhënies së naftës pa taksa për fermerët, proces i cili po ecën me hapa shumë më të ngadalta sesa e kërkon nevoja e tyre.
“PËR NAFTËN E BUJQVE PËRSËRI; PO PUNOHET AKOMA, POR JEMI SHUMË SHUMË MBRAPA ENDE! Shifrat: Në të gjithë JUGUN janë fiks 17.825 aplikime; janë punuar 5600 nga të cilat, për 4.100 janë dhënë KARTAT E NAFTËS, 1.500 presin miratimin në AZHBR”, shkruan deputeti.
Braçe ka folur me shifra për numrin e fermerëve që e kanë përfituar deri tani naftën, ndërkohë që ngre dhe një tjetër problem, atë të afrimit të datës së skadimit të kontratës së punës, për personat që po merren me procesin.
“Shifrat në Lushnje e Divjakë; Në Lushnje janë 6.334 aplikime dhe janë dhënë 1484 karta nafte; Në Divjakë janë 2.971 aplikime dhe janë dhënë 370 karta nafte. GOTA PO MBUSHET ME GLLËNJKA! Dy orë e gjysmë dje ne TREGUN E FRUTAVE E PERIMEVE TË LUSHNJES, u stërbinda se nafta është jetike dhe koha po ikën! Nuk di kujt i shkoi ne mendje qe tamam tani dhe duke e lidhur me DHËNIEN E NAFTËS, të kërkonte regjistrin e fermave, por e pashë me sytë e mi se si një proces 3 minuta, zgjatet deri në 12 minuta për çdo bujk; Por edhe për çdo punonjës; DITA AQ ORE KA! Kjo punë po behet me punëtorë të marrë me kontratë e për vetëm 26 mijë lekë në muaj!!!!!!!!! Kontrata mbaron në 31 maj dhe në do jemi në pikë të hallit nëse ata nuk vijojnë punën! Kush po merret me panair përsëri e përsëri, propagandë përsëri e përsëri, duhet të kujtojë se bujqit kanë nevojë për gjëra konkrete!LLAFET NË VAKT PUNE KUSHTOJNË KOHË, PRODHIM, TË ARDHURA!”, shkruan deputeti.
View this post on Instagram
Discussion about this post