Një ngjarje e rëndë është regjistruar në Prizren të Kosovës ku një person është gjetur i vdekur brenda banesës së tij. Policia është njoftuar nga qytetarët për një erë që kundërmonte në një banesë në Prizren.
Kur në vendin e ngjarjes kanë dalë njësitet e nevojshme dhe është thyer dera e banesës, aty është hasur një trup i pajetë, i gjinisë mashkullore. Ende nuk dihet shkaqet që kanë sjellë vdekjen e viktimës, ndërsa policia ka nisur hetimet për zbardhjen e plotë të ngjarjes.
“HETIM I VDEKJES /Prizren, 14.05.2022 – NN. Banorët kanë njoftuar se fqinji i tyre i cili jetonte i vetëm në banesë nuk është parë qe tre ditë dhe se nga banesa e tij kundërmon erë. Njësitë relevante policore dhe zjarrfikësit kanë dalë në vendin e ngjarjes, dhe me rekomandim të prokurorit të shtetit nga ana e zjarrfikësve është thyer dera e banesës ku është hasur trupi i viktimës mashkull kosovar, dhe nga mjeku është konstatuar se trupi i viktimës është pa shenja jete. Me urdhër të prokurorit trupi i pa jetë është dërguar në IML për obduksion, rasti vazhdon të hetohet”, njofton policia.
Discussion about this post