Moderatorja e njohur për publikun Dojna Mema është tanimë në muajin e 6 të shtatzënisë. Ajo dhe partneri i saj Vlashent Sata do bëhen së shpejti prindër për herë të parë.
Që pasi ndau me ndjekësit lajmin e bukur Dojna Mema nuk ka ngurruar që të tregojë detaje për pritjen e ëmbël. Ajo përveç postimeve nga përditshmëria e saj zhvillon shpesh edhe biseda virtuale me ndjekësit e saj në rrjetet sociale. Një ndjekës e ka pyetur Dojnën në lidhje me luhatjet e humorit gjatë shtatzënisë, dhe moderatorja nuk ka hezituar të përgjigjet.
“Si ndihesh? A ke ulje-ngritje të humorit? A po të përballon Vlashenti?”
Dojna zbuloi se gjatë shtatzënisë ka shumë luhatje humori, dhe preket shumë shpejt. Sa i përket partnerit të saj ajo tha se nuk është se ka shumë zgjedhje.
“Se kam pasur kurrë lotin e lehtë, por tani në shtatzëni rrëke më shkojnë! Më shumë se sa ulje-ngritje humori, prekem shpejt. Mjafton një fjalë e thënë atëherë kur nuk duhet për të krijuar një dramë në kokën time. Vlashenti, si çdo burrë nuk është se ka shumë zgjedhje.”
Kujtojmë se Dojna dhe partneri i saj Vlashenti kurorëzuan pak kohë më parë dashurinë e tyre me martesë në një celebrim tepër privat.
Dojna dha lajmin se është martuar me Vlashentin pasi ndau disa foto në llogarinë e saj në Instagram nga vendi ku kanë bërë celebrimin, duke treguar se kanë organizuar diçka shumë të thjeshtë dhe private, ndryshe nga dasmat madhështore që jemi mësuar t’i shikojmë çiftet e showbizit shqiptar.
Discussion about this post