Pas emailit kërcënues në adresë të Rektoratit të Universitetit të Prishtinës “Hasan Prishtina” vjen dhe reagimi i parë i policisë së Kosovës.
Në një prenoncim për Gazetën Ekspres autoritetet kosovare konfirmojnë kërcënimin me bombë në Universitet. Ndërkaq menjëhererë pas emailit policia ka arritur të rrethojë Rektoratin e Universitetit të Prishtinës dhe të bëjë verifikimet e para.
“Rreth orës 16:00, është pranuar informata për dyshimet që ndërlidhen me një shpërthim të mundshëm në Rektoratin e Universitetit “Hasan Prishtina” në Prishtinë.
Informacionet e para flasin se kanosja e dyshimtë ka ardhur përmes postës elektronike. Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën”.-njofton policia.
Discussion about this post