53 pako drogë në mes të qymyrit, vijon shkarkimi i kokainës nga Kolumbia

Vijon kontrolli dhe shkarkimi i qymyrit në anijen në të cilën policia sekuestroi 53 pako me drogë dhe ishte nisur nga Kolumbia drejt vendin tonë.

Pasi u kap sasia e madhe e kokainës në portin e Durrësit, mësohet se po kryhen ende kontrolle në pjesën e poshtme të anijes me ndërhyrjen e polumbarëve.

Kujtojmë se Kokaina u gjet në hambarin e anijes “Unistream” me flamur të Antigua Barbuda nga Ishujt Karaibe. Ajo ishte e ndarë në 53 pako, në 2 çanta dhe deri më tani bëhet fjalë për mbi 60 kg. Policia bëri kontroll me qen antidrogë, por nuk e pikasën kokainën, për pasojë do të kontrollohet gjithë sasia e qymyrit prej 6500 ton.

53 pako me drogë në mes të qymyrit të ardhur nga Kolumbia, u zbuluan pas operacionit nga DEA amerikane dhe SPAK.