“Opozita në kuota të ulëta përfaqësimi”, Gjekmarkaj ironizon negociatat e Alibeajt me Ballën për Presidentin

Përmes një statusi në rrjetet sociale, deputeti i Partisë Demokratike, Agron Gjekmarkaj ka ironizuar tryezën e sotme të negociatave mes opozitës dhe Partisë Socialiste për zgjedhjen e Presidentit të ri të vendit. Gjekmarkaj e cilëson përfaqësimin e PD-së në këtë tryezë në kuota të ulëta.

“Kuota të ulëta përfaqësimi të Opozitës në procesin farsë të zgjedhjes së Presidentit! Nga të gjitha anët po e godasin cilësinë në PD. Demokratet dhe PD do ta gjejnë vetveten” – shkruan Gjekmarkaj.

Në tryezën e sotme PD-ja përfaqësohej nga kryetari i grupit parlamentar, Enkelejd Alibeaj, nënkryetarja e grupit Oriola Pampuri dhe sekretari, Arbi Agalliu.